gae jo kuche mein uske to itna pyar mila

ga.e jo kūche meñ us ke to itnā pyaar milā

magar ye kyā ki har ik shaḳhs be-qarār milā

bhulānā chāhā thā us ko magar bhulā na sake

vo ek shaḳhs jo raste meñ baar baar milā

haqīqatoñ ko fasānoñ meñ jab se uljhāyā

fareb-o-makr-o-siyāsat ko e.atibār milā

kisī ne kar diyā barbād is kā ġham bhī nahīñ

isī bahāne zamāne ko rāzdār milā

unheñ to vaar ke mauqe hazār baar mile

hameñ difā kā mauqa na ek baar milā

gae jo kuche mein us ke to itna pyar mila

magar ye kya ki har ek shaKHs be-qarar mila

bhulana chaha tha us ko magar bhula na sake

wo ek shaKHs jo raste mein bar bar mila

haqiqaton ko fasanon mein jab se uljhaya

fareb-o-makr-o-siyasat ko eatibar mila

kisi ne kar diya barbaad is ka gham bhi nahin

isi bahane zamane ko raazdar mila

unhen to war ke mauqe hazar bar mile

hamein difa ka mauqa na ek bar mila