gae the shauq se hum bhi ye duniya dekhne ko

ga.e the shauq se ham bhī ye duniyā dekhne ko

milā ham ko hamārā hī tamāshā dekhne ko

khaḌe haiñ raah chalte log kitnī ḳhāmushī se

saḌak par marne vāloñ kā tamāshā dekhne ko

bahut se ā.ina-ḳhāne haiñ is bastī meñ lekin

tarastī hai hamārī aañkh chehra dekhne ko

kamānoñ meñ khiñche haiñ tiir talvāreñ haiñ chamkī

zarā Thahro kahāñ jaate ho dariyā dekhne ko

ḳhudā ne mujh ko bin-māñge ye nemat dī hai 'manzar'

taraste haiñ bahut se log mamtā dekhne ko

gae the shauq se hum bhi ye duniya dekhne ko

mila hum ko hamara hi tamasha dekhne ko

khaDe hain rah chalte log kitni KHamushi se

saDak par marne walon ka tamasha dekhne ko

bahut se aaina-KHane hain is basti mein lekin

tarasti hai hamari aankh chehra dekhne ko

kamanon mein khinche hain tir talwaren hain chamki

zara Thahro kahan jate ho dariya dekhne ko

KHuda ne mujh ko bin-mange ye nemat di hai 'manzar'

taraste hain bahut se log mamta dekhne ko