gae waqt par na ho tabsira jo guzar gaya wo guzar gaya

ga.e vaqt par na ho tabsira jo guzar gayā vo guzar gayā

vo bhī shaad hai mujhe bhuul kar maiñ bhī vaqt rahte sañvar gayā

use dil se kaise nikālūñ maiñ jo hai aa ke dil meñ Thahar gayā

use bhūlne ke ḳhayāl se koī Dar sā dil meñ utar gayā

vo nigāh mujh se badal gayā jise maiñ ne dil meñ basāyā thā

mire dil ko jis kā yaqīn thā vo hī va.ada kar ke mukar gayā

mire dil pe ab jo ye ghaav haiñ ye tirā karam hai mire sanam

tirī mujh pe haiñ ye ināyateñ jo ujaḌ ye dil kā nagar gayā

dil-e-mubtalā use bhuul jā na taḌap tū us ke firāq meñ

vo na aa.egā kabhī lauT kar jo jalā ke sapnoñ kā ghar gayā

nahīñ ho sakā kisī taur bhī mire zaḳhm-e-dil kā ilaaj phir

dil-e-nā-tavāñ tire kūche meñ mujhe le ke shām-o-sahar gayā

kisī sañg-dil se lagā ke dil baḌī bhuul kī baḌī bhuul kī

lagī choT aisī maiñ kyā kahūñ mire dil kā shīsha bikhar gayā

mujhe ye batā de tū sāqiyā jise mai-kade se gurez thā

tirī mast āñkhoñ meñ vo 'qamar' ye batā ki kaise utar gayā

gae waqt par na ho tabsira jo guzar gaya wo guzar gaya

wo bhi shad hai mujhe bhul kar main bhi waqt rahte sanwar gaya

use dil se kaise nikalun main jo hai aa ke dil mein Thahar gaya

use bhulne ke KHayal se koi Dar sa dil mein utar gaya

wo nigah mujh se badal gaya jise main ne dil mein basaya tha

mere dil ko jis ka yaqin tha wo hi wada kar ke mukar gaya

mere dil pe ab jo ye ghaw hain ye tera karam hai mere sanam

teri mujh pe hain ye inayaten jo ujaD ye dil ka nagar gaya

dil-e-mubtala use bhul ja na taDap tu us ke firaq mein

wo na aaega kabhi lauT kar jo jala ke sapnon ka ghar gaya

nahin ho saka kisi taur bhi mere zaKHm-e-dil ka ilaj phir

dil-e-na-tawan tere kuche mein mujhe le ke sham-o-sahar gaya

kisi sang-dil se laga ke dil baDi bhul ki baDi bhul ki

lagi choT aisi main kya kahun mere dil ka shisha bikhar gaya

mujhe ye bata de tu saqiya jise mai-kade se gurez tha

teri mast aankhon mein wo 'qamar' ye bata ki kaise utar gaya