gae wo din ki teri dushmani se Darte the

ga.e vo din ki tirī dushmanī se Darte the

sazā-e-maut haiñ ab to tirī panāheñ bhī

zarūratoñ kī parastish nazar meñ zīnat hai

najāt kaise milegī agar ye chāheñ bhī

qarīb qurb thā vo yā qazā se duurī hai

bas ik lakīr sī lagtī haiñ shāhrāheñ bhī

hamārī baat zarūrī nahīñ ki sach hī ho

darūn-e-zāt kī tasvīr haiñ nigāheñ bhī

ye mere ghar kī amīrī ajab amīrī hai

ki apne maal ko tarseñ mirī nigāheñ bhī

mizāj-e-adl par aksar girāñ guzartī haiñ

amiir zulm ke pīchhe ġharīb aaheñ bhī

haiñ aap taaq haqīqat kī parda-poshī meñ

ki ḳhud hī zulm kareñ aur ḳhud karāheñ bhī

gae wo din ki teri dushmani se Darte the

saza-e-maut hain ab to teri panahen bhi

zaruraton ki parastish nazar mein zinat hai

najat kaise milegi agar ye chahen bhi

qarib qurb tha wo ya qaza se duri hai

bas ek lakir si lagti hain shahrahen bhi

hamari baat zaruri nahin ki sach hi ho

darun-e-zat ki taswir hain nigahen bhi

ye mere ghar ki amiri ajab amiri hai

ki apne mal ko tarsen meri nigahen bhi

mizaj-e-adl par aksar giran guzarti hain

amir zulm ke pichhe gharib aahen bhi

hain aap taq haqiqat ki parda-poshi mein

ki KHud hi zulm karen aur KHud karahen bhi