گئے وہ دن کہ تری دشمنی سے ڈرتے تھے (ردیف .. ی)

گئے وہ دن کہ تری دشمنی سے ڈرتے تھے

سزائے موت ہیں اب تو تری پناہیں بھی

ضرورتوں کی پرستش نظر میں زینت ہے

نجات کیسے ملے گی اگر یہ چاہیں بھی

قریب قرب تھا وہ یا قضا سے دوری ہے

بس اک لکیر سی لگتی ہیں شاہراہیں بھی

ہماری بات ضروری نہیں کہ سچ ہی ہو

درون ذات کی تصویر ہیں نگاہیں بھی

یہ میرے گھر کی امیری عجب امیری ہے

کہ اپنے مال کو ترسیں مری نگاہیں بھی

مزاج عدل پر اکثر گراں گزرتی ہیں

امیر ظلم کے پیچھے غریب آہیں بھی

ہیں آپ طاق حقیقت کی پردہ پوشی میں

کہ خود ہی ظلم کریں اور خود کراہیں بھی