gai fasl-e-bahaar gulshan se

ga.ī fasl-e-bahār gulshan se

bulbuloñ uḌ chalo nasheman se

fātiha bhī paḌhā na turbat par

jā ke lauT aa.e merī madfan se

mujh ko kaafī thī qaid-e-halqa-e-zulf

beḌiyāñ kyuuñ banā.īñ aahan se

zulf ke pech se na rah ġhāfil

dostī kar dilā na dushman se

ho garebāñ kā chaak ḳhaak rafū

taar haath aa.e jab na dāman se

nāz-o-ishva nayā nahīñ sīkhā

shoḳh tarrār hai laḌakpan se

chhoḌ kar tum agar ga.e tanhā

jī nikal jā.egā mire tan se

hai ka.ī din se muntazir 'ra.anā'

jalva dikhlāo aa ke chilman se

gai fasl-e-bahaar gulshan se

bulbulon uD chalo nasheman se

fatiha bhi paDha na turbat par

ja ke lauT aae meri madfan se

mujh ko kafi thi qaid-e-halqa-e-zulf

beDiyan kyun banain aahan se

zulf ke pech se na rah ghafil

dosti kar dila na dushman se

ho gareban ka chaak KHak rafu

tar hath aae jab na daman se

naz-o-ishwa naya nahin sikha

shoKH tarrar hai laDakpan se

chhoD kar tum agar gae tanha

ji nikal jaega mere tan se

hai kai din se muntazir 'rana'

jalwa dikhlao aa ke chilman se