ghair aae pichhe pa gae mujre ka bar pahle

ġhair aa.e pīchhe pā ga.e mujre kā baar pahle

ham aah baiThe rah ga.e aa.e hazār pahle

maiñ arz-e-hāl us se kyuuñ kar karūñ mukarrar

koī bol bhī sake hai vaañ ek baar pahle

gar jānte ki āḳhir ḳhvāhān-e-jāñ to hogā

dil dete pīchhe jī ko karte nisār pahle

jaanā na thā pareshāñ kar degī tū vagarna

ham pech meñ bhī aate ai zulf-e-yār pahle

maqtal meñ jab vo qātil tarvār le ke aayā

kahne lagā huzūr aa le tū hī vaar pahle

maiñ sar jhukā ke aage pahuñchā hai aur kiyā arz

is se bhī kuchh hai behtar hāzir huuñ yaar pahle

tab dekh dekh bolā tarsā ke mārnā hai

niiñ mārne kā tujh ko maiñ zīnhār pahle

ghair aae pichhe pa gae mujre ka bar pahle

hum aah baiThe rah gae aae hazar pahle

main arz-e-haal us se kyun kar karun mukarrar

koi bol bhi sake hai wan ek bar pahle

gar jaante ki aaKHir KHwahan-e-jaan to hoga

dil dete pichhe ji ko karte nisar pahle

jaana na tha pareshan kar degi tu wagarna

hum pech mein bhi aate ai zulf-e-yar pahle

maqtal mein jab wo qatil tarwar le ke aaya

kahne laga huzur aa le tu hi war pahle

main sar jhuka ke aage pahuncha hai aur kiya arz

is se bhi kuchh hai behtar hazir hun yar pahle

tab dekh dekh bola tarsa ke marna hai

nin marne ka tujh ko main zinhaar pahle