ghair-e-tawakkul nahin chaara mujhe

ġhair-e-tavakkul nahīñ chārā mujhe

apne hī dam kā hai sahārā mujhe

hirs-o-tama ne to Duboyā hī thā

sabr-o-qanā.at ne ubhārā mujhe

jo vo kahe us ko sazā-vār hai

chūn-o-charā kā nahīñ yaarā mujhe

be-adaboñ kī adab-āmoziyāñ

in ke bigaḌne ne sañvārā mujhe

koshish-e-be-sūd mushavvash na kar

qa.ar na ban jaa.e kinārā mujhe

zishtī-e-pindār dilātā hai yaad

qissa-e-askandar-o-dārā mujhe

nañg-e-muzillat se chhuḌā le gayā

josh-e-hamiyyat kā harārā mujhe

auj-e-ma.ālī pe uḌā le gayā

tausan-e-himmat kā tarārā mujhe

aah nahīñ ruḳhsat-e-ifshā-e-rāz

qissa to ma.alūm hai saarā mujhe

fursat-e-auqāt hai bas muġhtanim

ye nahīñ milne kī dobārā mujhe

ghair-e-tawakkul nahin chaara mujhe

apne hi dam ka hai sahaara mujhe

hirs-o-tama ne to Duboya hi tha

sabr-o-qanaat ne ubhaara mujhe

jo wo kahe us ko saza-war hai

chun-o-chara ka nahin yara mujhe

be-adabon ki adab-amoziyan

in ke bigaDne ne sanwara mujhe

koshish-e-be-sud mushawwash na kar

qar na ban jae kinara mujhe

zishti-e-pindar dilata hai yaad

qissa-e-askandar-o-dara mujhe

nang-e-muzillat se chhuDa le gaya

josh-e-hamiyyat ka harara mujhe

auj-e-maali pe uDa le gaya

tausan-e-himmat ka tarara mujhe

aah nahin ruKHsat-e-ifsha-e-raaz

qissa to malum hai sara mujhe

fursat-e-auqat hai bas mughtanim

ye nahin milne ki dobara mujhe