ghair ke dil pe tu ai yar ye kya bandhe hai

ġhair ke dil pe tū ai yaar ye kyā bāñdhe hai

hai vo ik bād-farosh aur havā bāñdhe hai

bul-havas jāma-e-uryānī-e-ushshāq ko dekh

tū garebān se kyuuñ apnā galā bāñdhe hai

yuuñ sharar chhiḌtī haiñ jaise ki havā.ī hai chhuTī

ik samāñ aah mirī tā-ba-samā bāñdhe hai

dil-e-sar-gashta bhī to ek balā meñ hai phañsā

kabhī kholī hai kabhū zulf-e-dotā bāñdhe hai

ye to tujh se na huā aave shab-e-tār meñ yaar

taar shikvoñ hī kā tū sub.h-o-masā bāñdhe hai

dekh kar toḌā gale kā koī dil detā hai

muñDcharā-pan se tū kyuuñ apnā galā bāñdhe hai

bevafā māñda kī rakkhī to na tujh paas rahūñ

kyā karūñ paañv mirā dast-e-vafā bāñdhe hai

nāf-e-āhū meñ na kis tarah se jā kar vo chhupe

mushk kī mushkīñ tirī zulf-e-rasā bāñdhe hai

ek jhagaḌālū kī duḳhtar pe huā hai āshiq

dil mirā jaan ke jhagḌe kī binā bāñdhe hai

jab jafā se tirī hotā huuñ ḳhafā ġhusse se

TukTukī merī taraf mehr-e-vafā bāñdhe hai

jab kahā maiñ ne ki juuḌe ko mirī jaan tū bāñdh

band mahram ke maiñ bāñdhūñgā tū kyā bāñdhe hai

khol kar bāloñ ko āshufta-o-barham ho kar

tere kahne se kahā merī balā bāñdhe hai

sahl ye taur hai 'ehsāñ' ġhazal ik aur bhī likh

hai khulā sab pe tū mazmūn bañdhā bāñdhe hai

ghair ke dil pe tu ai yar ye kya bandhe hai

hai wo ek baad-farosh aur hawa bandhe hai

bul-hawas jama-e-uryani-e-ushshaq ko dekh

tu gareban se kyun apna gala bandhe hai

yun sharar chhiDti hain jaise ki hawai hai chhuTi

ek saman aah meri ta-ba-sama bandhe hai

dil-e-sar-gashta bhi to ek bala mein hai phansa

kabhi kholi hai kabhu zulf-e-dota bandhe hai

ye to tujh se na hua aawe shab-e-tar mein yar

tar shikwon hi ka tu subh-o-masa bandhe hai

dekh kar toDa gale ka koi dil deta hai

munDchara-pan se tu kyun apna gala bandhe hai

bewafa manda ki rakkhi to na tujh pas rahun

kya karun panw mera dast-e-wafa bandhe hai

naf-e-ahu mein na kis tarah se ja kar wo chhupe

mushk ki mushkin teri zulf-e-rasa bandhe hai

ek jhagaDalu ki duKHtar pe hua hai aashiq

dil mera jaan ke jhagDe ki bina bandhe hai

jab jafa se teri hota hun KHafa ghusse se

TukTuki meri taraf mehr-e-wafa bandhe hai

jab kaha main ne ki juDe ko meri jaan tu bandh

band mahram ke main bandhunga tu kya bandhe hai

khol kar baalon ko aashufta-o-barham ho kar

tere kahne se kaha meri bala bandhe hai

sahl ye taur hai 'ehsan' ghazal ek aur bhi likh

hai khula sab pe tu mazmun bandha bandhe hai