ghair kya jaane rawish-ha-e-suKHan-dani meri

ġhair kyā jaane ravish-hā-e-suḳhan-dānī mirī

maiñ vo bulbul huuñ ki hai mujh se gul-afshānī mirī

dekh kar nākāmī-e-zauq-e-nigāh-e-kāmyāb

ban ga.ī ā.īna merā aap hairānī merī

shādmānī bā.is-e-taklīf hai mere liye

ḳhanda-e-zaḳhm-e-jigar hai ḳhanda-peshānī mirī

dil meñ kyā baaqī rahā hai ab ki ik muddat huī

miT ga.ī hamrāh mere hasrat-e-fānī mirī

ġham diyā khāne ko aur piine ko ḳhūn-e-ārzū

ḳhuub kī qismat ne ai 'taufīq' mehmānī mirī

ghair kya jaane rawish-ha-e-suKHan-dani meri

main wo bulbul hun ki hai mujh se gul-afshani meri

dekh kar nakaami-e-zauq-e-nigah-e-kaamyab

ban gai aaina mera aap hairani meri

shadmani bais-e-taklif hai mere liye

KHanda-e-zaKHm-e-jigar hai KHanda-peshani meri

dil mein kya baqi raha hai ab ki ek muddat hui

miT gai hamrah mere hasrat-e-fani meri

gham diya khane ko aur pine ko KHun-e-arzu

KHub ki qismat ne ai 'taufiq' mehmani meri