ghair par lutf kare hum pe sitam ya qismat

ġhair par lutf kare ham pe sitam yā qismat

thā nasīboñ meñ hamāre ye sanam yā qismat

yaar tū yaar nahīñ baḳht haiñ so ulTe haiñ

kab talak ham ye saheñ dard-o-alam yā qismat

kūcha-gardī se use shauq hai lekin gaahe

is taraf ko nahīñ rakhtā vo qadam yā qismat

kūcha-e-yār meñ thoḌī sī jagah de ai baḳht

māñgtā tujh se nahīñ mulk-e-ajam yā qismat

jān-o-dil meñ se nahīñ ek bhī ab nek-nasīb

donoñ kam-baḳht hue aa ke baham yā qismat

'āsif' ab aur lage karne taraqqī din raat

shāmat-e-baḳht huī merī to kam yā qismat

ghair par lutf kare hum pe sitam ya qismat

tha nasibon mein hamare ye sanam ya qismat

yar tu yar nahin baKHt hain so ulTe hain

kab talak hum ye sahen dard-o-alam ya qismat

kucha-gardi se use shauq hai lekin gahe

is taraf ko nahin rakhta wo qadam ya qismat

kucha-e-yar mein thoDi si jagah de ai baKHt

mangta tujh se nahin mulk-e-ajam ya qismat

jaan-o-dil mein se nahin ek bhi ab nek-nasib

donon kam-baKHt hue aa ke baham ya qismat

'asif' ab aur lage karne taraqqi din raat

shamat-e-baKHt hui meri to kam ya qismat