ghair shayan-e-rasm-o-rah nahin

ġhair shāyān-e-rasm-o-rāh nahīñ

kab vo āshiq hai jo tabāh nahīñ

ai falak daur-husn meñ us ke

tujh ko kuchh fikr-e-mehr-o-māh nahīñ

rabt-e-dushman se bhī vo bad-bar hai

ab kisī tarah se nibāh nahīñ

kam nigāhī ko un kī dekhte haiñ

un pe bhī ab hameñ nigāh nahīñ

parda kab tak rahegā ai zālim

aḳhtar-e-mudda.ī siyāh nahīñ

zulm kī qadr ke liye hai rahm

daad kuchh bahr-e-dād-ḳhvāh nahīñ

haif qazzaqī-e-zamāna haif

rasm-o-rah bahr-e-rasm-o-rāh nahīñ

hai gadā shaah balki shāhanshāh

satvat-e-qahr-e-bādshāh nahīñ

ulfat aur tum se haa.e haa.e na ho

lab-e-dushman pe aah aah nahīñ

pastī-e-tāle.a bahr-e-ḳhūbī-e-fan

kyā vo yūsuf jo ġharq-e-chāh nahīñ

arsa-e-nīstī-o-hastī se

bach ke chalne kī koī raah nahīñ

ai 'qalaq' kyā huā buḌhāpe meñ

ishq kuchh sair-e-subah-gāh nahīñ

ghair shayan-e-rasm-o-rah nahin

kab wo aashiq hai jo tabah nahin

ai falak daur-husn mein us ke

tujh ko kuchh fikr-e-mehr-o-mah nahin

rabt-e-dushman se bhi wo bad-bar hai

ab kisi tarah se nibah nahin

kam nigahi ko un ki dekhte hain

un pe bhi ab hamein nigah nahin

parda kab tak rahega ai zalim

aKHtar-e-muddai siyah nahin

zulm ki qadr ke liye hai rahm

dad kuchh bahr-e-dad-KHwah nahin

haif qazzaqi-e-zamana haif

rasm-o-rah bahr-e-rasm-o-rah nahin

hai gada shah balki shahanshah

satwat-e-qahr-e-baadshah nahin

ulfat aur tum se hae hae na ho

lab-e-dushman pe aah aah nahin

pasti-e-talea bahr-e-KHubi-e-fan

kya wo yusuf jo gharq-e-chah nahin

arsa-e-nisti-o-hasti se

bach ke chalne ki koi rah nahin

ai 'qalaq' kya hua buDhape mein

ishq kuchh sair-e-subah-gah nahin