ghairon ke sath baiThe hain is anjuman mein hum

ġhairoñ ke saath baiThe haiñ is anjuman meñ ham

kāñToñ se vāsta hai magar haiñ chaman meñ ham

samjho na daaġh dāman-e-dil meñ ye phuul haiñ

ab haiñ qafas-nasīb kabhī the chaman meñ ham

rusvā na zaḳhm-e-tīr-enazar ho ye ḳhauf hai

hāthoñ se dil chhupā.e hue haiñ kafan meñ ham

vo husn thā ki husn-e-nazar thā ḳhabar nahīñ

kuchh dekhte rahe haiñ tirī anjuman meñ ham

jaage haiñ ḳhvāb se bhī to aalam hai ḳhvāb kā

ḳhushbū sī pā rahe haiñ tire pairahan meñ ham

thī aarzū chaman kī aur ab dil qafas meñ hai

ik ajnabī se aa.e hue haiñ vatan meñ ham

chāhā durust chaah jatānā ġhalat huā

sīdhī thī raah kho.e ga.e bāñkpan meñ ham

dekheñge jalva-e-chaman-ārā chaman meñ ham

zauq-e-nazar se chaak kareñge hijāb-e-gul

'beḳhud' ḳhudā kā shukr butoñ kī nazar paḌī

varna ga.e the gardish-e-charḳh-e-kuhan meñ ham

ghairon ke sath baiThe hain is anjuman mein hum

kanTon se wasta hai magar hain chaman mein hum

samjho na dagh daman-e-dil mein ye phul hain

ab hain qafas-nasib kabhi the chaman mein hum

ruswa na zaKHm-e-tir-enazar ho ye KHauf hai

hathon se dil chhupae hue hain kafan mein hum

wo husn tha ki husn-e-nazar tha KHabar nahin

kuchh dekhte rahe hain teri anjuman mein hum

jage hain KHwab se bhi to aalam hai KHwab ka

KHushbu si pa rahe hain tere pairahan mein hum

thi aarzu chaman ki aur ab dil qafas mein hai

ek ajnabi se aae hue hain watan mein hum

chaha durust chah jatana ghalat hua

sidhi thi rah khoe gae bankpan mein hum

dekhenge jalwa-e-chaman-ara chaman mein hum

zauq-e-nazar se chaak karenge hijab-e-gul

'beKHud' KHuda ka shukr buton ki nazar paDi

warna gae the gardish-e-charKH-e-kuhan mein hum