ghairon ke zulm apnon ke gham dekhte nahin

ġhairoñ ke zulm apnoñ ke ġham dekhte nahīñ

raahī vafā kī raah ke ḳham dekhte nahīñ

ḳhud baḌh ke chūmtī haiñ qadam un ke manzileñ

muḌ kar jo apne naqsh-e-qadam dekhte nahīñ

vāqif nahīñ jo fitrat-e-pīr-e-muġhāñ se rind

sāġhar meñ hai sharāb ki sam dekhte nahīñ

sālār-e-kārvāñ pe jo karte haiñ e'tirāz

bahke hue ḳhud apne qadam dekhte nahīñ

jin kī nazar hai sub.h ke rū-e-jamīl par

zulf-e-darāz-e-shām-e-alam dekhte nahīñ

ehsās-e-jurm chehre kī rangat badal na de

ā.īna vaqt-e-pursish-e-ġham dekhte nahīñ

'ishrat' bashar kī shakl meñ ḳhūñḳhār bheḌiye

sadiyoñ se le rahe haiñ janam dekhte nahīñ

ghairon ke zulm apnon ke gham dekhte nahin

rahi wafa ki rah ke KHam dekhte nahin

KHud baDh ke chumti hain qadam un ke manzilen

muD kar jo apne naqsh-e-qadam dekhte nahin

waqif nahin jo fitrat-e-pir-e-mughan se rind

saghar mein hai sharab ki sam dekhte nahin

salar-e-karwan pe jo karte hain e'tiraaz

bahke hue KHud apne qadam dekhte nahin

jin ki nazar hai subh ke ru-e-jamil par

zulf-e-daraaz-e-sham-e-alam dekhte nahin

ehsas-e-jurm chehre ki rangat badal na de

aaina waqt-e-pursish-e-gham dekhte nahin

'ishrat' bashar ki shakl mein KHunKHar bheDiye

sadiyon se le rahe hain janam dekhte nahin