gal ko sharminda kar ai shoKH gulistan mein aa

gal ko sharminda kar ai shoḳh gulistān meñ aa

lab siiñ ġhunche kā jigar ḳhuuñ karo muskyān meñ aa

vahī ik jalva-numā jag meñ hai duujā koī nahīñ

dekh vājib kuuñ sadā majma.a-e-imkān meñ aa

zindagī mujh dil-e-murda kī tauhīñ hai mat jā

dil se gar ḳhush nahīñ ai shoḳh mirī jaan meñ aa

gul dil-e-ġhuncha naman tañg ho rañg-o-bū siiñ

jab kare yaad tire lab ke ta.iiñ dhyān meñ aa

gar tū mushtāq hai dilbar safar-e-dariyā kā

aa ke kar mauj mire dīda-e-giryān meñ aa

mat milā kar tū raqībāñ siiñ sabhī paajī haiñ

dekh kar qadr aapas kā ai sanam shaan meñ aa

yuuñ mirā dil tire kūche kā balā-gardāñ hai

jyuuñ kabūtar uḌe hai chhatrī ke gardān meñ aa

gar karo qatl mire dil kuuñ taġhāful siiñ jaan

phir ke da.avā na karūñ hashr ke maidān meñ aa

dil-e-'yakrū' hai tirā paa.e bandhiyā kākul kā

yaad rakh us kuuñ sadā mat kabhū nisyān meñ aa

gal ko sharminda kar ai shoKH gulistan mein aa

lab sin ghunche ka jigar KHun karo muskyan mein aa

wahi ek jalwa-numa jag mein hai duja koi nahin

dekh wajib kun sada majma-e-imkan mein aa

zindagi mujh dil-e-murda ki tauhin hai mat ja

dil se gar KHush nahin ai shoKH meri jaan mein aa

gul dil-e-ghuncha naman tang ho rang-o-bu sin

jab kare yaad tere lab ke tain dhyan mein aa

gar tu mushtaq hai dilbar safar-e-dariya ka

aa ke kar mauj mere dida-e-giryan mein aa

mat mila kar tu raqiban sin sabhi paji hain

dekh kar qadr aapas ka ai sanam shan mein aa

yun mera dil tere kuche ka bala-gardan hai

jyun kabutar uDe hai chhatri ke gardan mein aa

gar karo qatl mere dil kun taghaful sin jaan

phir ke dawa na karun hashr ke maidan mein aa

dil-e-'yakru' hai tera pae bandhiya kakul ka

yaad rakh us kun sada mat kabhu nisyan mein aa