ghalat-bayan ye faza mahr o kin darogh darogh

ġhalat-bayāñ ye fazā mahr o kiiñ daroġh daroġh

sharāb laao ġham-e-kufr-o-dīñ daroġh daroġh

hazār naḳhl-e-gumāñ haiñ abhī numūd-āsār

azal ke din se hai kisht-e-yaqīñ daroġh daroġh

hadīs-e-rashk-e-raqībāñ huī hai jis kī nazar

maiñ aur us kī lagan ham-nashīñ daroġh daroġh

ḳhud apnī mastī-e-pinhāñ se haath aatā hai

shikār-e-nāfa-e-āhū-e-chīñ daroġh daroġh

maiñ aur shikva-e-sarā.ī-e-zaḳhm-e-be-sababī

tū aur dashna tah-e-āstīñ daroġh daroġh

zarūr koī nazar hai harīf-e-ḳhud-nigarī

vo aur bazm meñ chīñ-bar-jabīñ daroġh daroġh

malūl kuchh ġham-e-bālīdgī se hai varna

sirisht-e-gul ko malāl-e-zamīñ daroġh daroġh

sadā.eñ diiñ tujhe ḳhalq-e-ḳhudā ne maqtal se

tirī galī meñ ḳhabar tak nahīñ daroġh daroġh

ghalat-bayan ye faza mahr o kin darogh darogh

sharab lao gham-e-kufr-o-din darogh darogh

hazar naKHl-e-guman hain abhi numud-asar

azal ke din se hai kisht-e-yaqin darogh darogh

hadis-e-rashk-e-raqiban hui hai jis ki nazar

main aur us ki lagan ham-nashin darogh darogh

KHud apni masti-e-pinhan se hath aata hai

shikar-e-nafa-e-ahu-e-chin darogh darogh

main aur shikwa-e-sarai-e-zaKHm-e-be-sababi

tu aur dashna tah-e-astin darogh darogh

zarur koi nazar hai harif-e-KHud-nigari

wo aur bazm mein chin-bar-jabin darogh darogh

malul kuchh gham-e-baalidgi se hai warna

sirisht-e-gul ko malal-e-zamin darogh darogh

sadaen din tujhe KHalq-e-KHuda ne maqtal se

teri gali mein KHabar tak nahin darogh darogh