ghalat-fahmi hai hum ko hum ujale kar rahe hain

ġhalat-fahmī hai ham ko ham ujāle kar rahe haiñ

suḳhan ke naam par bas safhe kaale kar rahe haiñ

safar kī mushkileñ kuchh to dikhānā bhī hai lāzim

so rasman paañv meñ ham ḳhud hī chhāle kar rahe haiñ

hameñ hai bhuuk jiine kī nahīñ hai paas roTī

so ham ab apnī sāñsoñ ko nivāle kar rahe haiñ

nahīñ hoñge nasīb āñkhoñ ko ab koī nazāre

so ham āñkhoñ ko ḳhvāboñ ke havāle kar rahe haiñ

mere mash.hūr hone meñ nahīñ kuchh haath merā

ki merā naam raushan jalne vaale kar rahe haiñ

'anīs' ab in kī bātoñ par bhalā kyā kaan denā

siyāsat-dān haiñ masjid shivāle kar rahe haiñ

ghalat-fahmi hai hum ko hum ujale kar rahe hain

suKHan ke nam par bas safhe kale kar rahe hain

safar ki mushkilen kuchh to dikhana bhi hai lazim

so rasman panw mein hum KHud hi chhaale kar rahe hain

hamein hai bhuk jine ki nahin hai pas roTi

so hum ab apni sanson ko niwale kar rahe hain

nahin honge nasib aankhon ko ab koi nazare

so hum aankhon ko KHwabon ke hawale kar rahe hain

mere mashhur hone mein nahin kuchh hath mera

ki mera nam raushan jalne wale kar rahe hain

'anis' ab in ki baaton par bhala kya kan dena

siyasat-dan hain masjid shiwale kar rahe hain