ghalat nahin hai dil-e-sulh-KHu jo bolta hai

ġhalat nahīñ hai dil-e-sulh-ḳhū jo boltā hai

magar ye harf-e-baġhāvat lahū jo boltā hai

mire ujaḌne kī takmīl kab huī jānāñ

daraḳht-e-yād kī Tahnī pe tū jo boltā hai

sar-sukūt-e-adam kis ke hoñT hilte haiñ

koī to hai pas-e-dīvār-e-hū jo boltā hai

zamāne terī haqīqat samajh meñ aatī hai

havā kī thaap se ḳhālī subū jo boltā hai

nafāsatoñ kā qarīna hai terī ḳhāmoshī

magar ye jeb kā tār-e-rafū jo boltā hai

idhar ye kaan haiñ qahr-e-ḳhizāñ jo sunte haiñ

udhar vo peḌ hai sehr-e-numū jo boltā hai

nafas ke jaal meñ kab qaid ho sakā 'arshad'

vo ik parind-e-fanā kū-ba-kū jo boltā hai

ghalat nahin hai dil-e-sulh-KHu jo bolta hai

magar ye harf-e-baghawat lahu jo bolta hai

mere ujaDne ki takmil kab hui jaanan

daraKHt-e-yaad ki Tahni pe tu jo bolta hai

sar-sukut-e-adam kis ke honT hilte hain

koi to hai pas-e-diwar-e-hu jo bolta hai

zamane teri haqiqat samajh mein aati hai

hawa ki thap se KHali subu jo bolta hai

nafasaton ka qarina hai teri KHamoshi

magar ye jeb ka tar-e-rafu jo bolta hai

idhar ye kan hain qahr-e-KHizan jo sunte hain

udhar wo peD hai sehr-e-numu jo bolta hai

nafas ke jal mein kab qaid ho saka 'arshad'

wo ek parind-e-fana ku-ba-ku jo bolta hai