gham bhulane ka hamein koi bahana to mile

ġham bhulāne kā hameñ koī bahānā to mile

shab-e-furqat kā har ik lamha suhānā to mile

mandir-o-masjid-o-ma.abad ho ki mai-ḳhāna ho

sar jhukāne ke liye koī Thikāna to mile

bazm-e-ḳhāmosh kī aahaT ho ki patjhaḌ kā sukūñ

aish-o-ġham ham ko yahāñ shāna-ba-shāna to mile

ye tasallī sahī yaad aa.ī to vo bhī aa.e

mere ehsās-e-ġham-e-dil kā nishānā to mile

sirf taqdīr meñ ho sahrā-navardī jis kī

mujh sā duniyā meñ koī aisā dīvāna to mile

apne ashkoñ pe uThā le koī ishrat kā bojh

vaqt kī raah meñ ab aisā zamāna to mile

mashq-e-yārān-e-sitam sehn-e-gulistāñ meñ hai

sub.h-dam jashn-e-bahārāñ kā fasāna to mile

shāmiyāna ho sitāroñ kā mire āñgan meñ

merī qismat meñ 'shafaq' aisā gharānā to mile

gham bhulane ka hamein koi bahana to mile

shab-e-furqat ka har ek lamha suhana to mile

mandir-o-masjid-o-mabad ho ki mai-KHana ho

sar jhukane ke liye koi Thikana to mile

bazm-e-KHamosh ki aahaT ho ki patjhaD ka sukun

aish-o-gham hum ko yahan shana-ba-shana to mile

ye tasalli sahi yaad aai to wo bhi aae

mere ehsas-e-gham-e-dil ka nishana to mile

sirf taqdir mein ho sahra-nawardi jis ki

mujh sa duniya mein koi aisa diwana to mile

apne ashkon pe uTha le koi ishrat ka bojh

waqt ki rah mein ab aisa zamana to mile

mashq-e-yaran-e-sitam sehn-e-gulistan mein hai

subh-dam jashn-e-bahaaran ka fasana to mile

shamiyana ho sitaron ka mere aangan mein

meri qismat mein 'shafaq' aisa gharana to mile