gham-e-darun ka koi tarjuman nahin na sahi

ġham-e-darūñ kā koī tarjumāñ nahīñ na sahī

jo zaḳhm-e-dil bhī dahān-e-fuġhāñ nahīñ na sahī

ye kam nahīñ hai ki āñkhoñ meñ dil utar aayā

tumhāre sāmne muñh meñ zabāñ nahīñ na sahī

yahāñ to koī nahīñ jis kā dil hilā doge

jigar meñ tāqat-e-zabt-e-fuġhāñ nahīñ na sahī

tujhī se shikva-e-dard-e-nihāñ kareñ ai dil

tire sivā jo koī rāzdāñ nahīñ na sahī

chaman meñ aag lagā dī jo barq-e-sozāñ ne

to shāḳh-e-gul pe mirā āshiyāñ nahīñ na sahī

abhī kuchh aur gharauñde banāo yādoñ ke

ġhubār-e-rāh to hai kārvāñ nahīñ na sahī

zamīñ to paañv tale hai yahī ġhanīmat hai

hamāre zer-e-qadam āsmāñ nahīñ na sahī

gham-e-darun ka koi tarjuman nahin na sahi

jo zaKHm-e-dil bhi dahan-e-fughan nahin na sahi

ye kam nahin hai ki aankhon mein dil utar aaya

tumhaare samne munh mein zaban nahin na sahi

yahan to koi nahin jis ka dil hila doge

jigar mein taqat-e-zabt-e-fughan nahin na sahi

tujhi se shikwa-e-dard-e-nihan karen ai dil

tere siwa jo koi raazdan nahin na sahi

chaman mein aag laga di jo barq-e-sozan ne

to shaKH-e-gul pe mera aashiyan nahin na sahi

abhi kuchh aur gharaunde banao yaadon ke

ghubar-e-rah to hai karwan nahin na sahi

zamin to panw tale hai yahi ghanimat hai

hamare zer-e-qadam aasman nahin na sahi