gham-e-dil ko bahaar-e-be-KHizan kahna hi paDta hai

ġham-e-dil ko bahār-e-be-ḳhizāñ kahnā hī paḌtā hai

mohabbat ko hayāt-e-jāvidāñ kahnā hī paḌtā hai

nigāheñ hāl-e-dil kī tarjumānī kar hī detī haiñ

ḳhamoshī ko bhī ik din dāstāñ kahnā hī paḌtā hai

ġhubār-e-rāh rah jaatā hai pīchhe chhūT kar lekin

use phir bhī nishān-e-kārvāñ kahnā hī paḌtā hai

ye maanā vo jafā-parvar hai zālim hai sitamgar hai

magar phir bhī use ārām-e-jāñ kahnā hī paḌtā hai

burā ho yā bhalā ik aasrā hai sar chhupāne kā

ba-har-sūrat qafas ko āshiyāñ kahnā hī paḌtā hai

kisī ko jab vo mere dard kā qissa sunāte haiñ

'sa.īd' us ko hadīs-e-dīgarāñ kahnā hī paḌtā hai

gham-e-dil ko bahaar-e-be-KHizan kahna hi paDta hai

mohabbat ko hayat-e-jawidan kahna hi paDta hai

nigahen haal-e-dil ki tarjumani kar hi deti hain

KHamoshi ko bhi ek din dastan kahna hi paDta hai

ghubar-e-rah rah jata hai pichhe chhuT kar lekin

use phir bhi nishan-e-karwan kahna hi paDta hai

ye mana wo jafa-parwar hai zalim hai sitamgar hai

magar phir bhi use aaram-e-jaan kahna hi paDta hai

bura ho ya bhala ek aasra hai sar chhupane ka

ba-har-surat qafas ko aashiyan kahna hi paDta hai

kisi ko jab wo mere dard ka qissa sunate hain

'said' us ko hadis-e-digaran kahna hi paDta hai