gham-e-dil ko zamane se chhupana bhi nahin aata

ġham-e-dil ko zamāne se chhupānā bhī nahīñ aatā

hameñ to Thiik se aañsū bahānā bhī nahīñ aatā

sajā kar kis tarah rakkhī haiñ kamre meñ tirī yādeñ

agarche Thiik se ham ko sajānā bhī nahīñ aatā

rahūñgā kis tarah ḳhvāhish kī bastī meñ akelā maiñ

karūñgā kyā mujhe paisa kamānā bhī nahīñ aatā

baneñge kyā shikārī ham tumhāre sāmne jānāñ

lagānā ham ko tere sā nishāna bhī nahīñ aatā

sitam-gar āḳhirī dīdār kar lo ham chale jaa.eñ

yaqīn apnī vafāoñ kā dilānā bhī nahīñ aatā

mohabbat ko bhalā kaise samajh pāogī tum nādāñ

tumheñ to Thiik se milnā milānā bhī nahīñ aatā

chalo ab toḌ Daalo āḳhirī rishta bhī ham se tum

ye kah kar saath 'yūsuf' ko nibhānā bhī nahīñ aatā

gham-e-dil ko zamane se chhupana bhi nahin aata

hamein to Thik se aansu bahana bhi nahin aata

saja kar kis tarah rakkhi hain kamre mein teri yaaden

agarche Thik se hum ko sajaana bhi nahin aata

rahunga kis tarah KHwahish ki basti mein akela main

karunga kya mujhe paisa kamana bhi nahin aata

banenge kya shikari hum tumhaare samne jaanan

lagana hum ko tere sa nishana bhi nahin aata

sitam-gar aaKHiri didar kar lo hum chale jaen

yaqin apni wafaon ka dilana bhi nahin aata

mohabbat ko bhala kaise samajh paogi tum nadan

tumhein to Thik se milna milana bhi nahin aata

chalo ab toD Dalo aaKHiri rishta bhi hum se tum

ye kah kar sath 'yusuf' ko nibhana bhi nahin aata