gham-e-duniya pe gham-e-zat pe ro dete hain

ġham-e-duniyā pe ġham-e-zāt pe ro dete haiñ

ġham ke maare hue har baat pe ro dete haiñ

ham ko ronā hai to bas aaj kā hī ronā hai

log guzre hue hālāt pe ro dete haiñ

yaad aatā hai kisī baat pe ro.e the kabhī

ab ye aalam hai ki har baat pe ro dete haiñ

ham to ḳhud moḌ diyā karte haiñ hālāt kā ruḳh

ham nahīñ vo ki jo hālāt pe ro dete haiñ

ye adā dekhī hai ham ne tire dīvānoñ kī

jis pe hañste haiñ usī baat pe ro dete haiñ

āḳhirī baar koī ham se milā thā aa kar

yaad aatī hai to us raat pe ro dete haiñ

kal jo ruḳh pher liyā karte the mujh se 'aḳhtar'

aaj vo bhī mire hālāt pe ro dete haiñ

gham-e-duniya pe gham-e-zat pe ro dete hain

gham ke mare hue har baat pe ro dete hain

hum ko rona hai to bas aaj ka hi rona hai

log guzre hue haalat pe ro dete hain

yaad aata hai kisi baat pe roe the kabhi

ab ye aalam hai ki har baat pe ro dete hain

hum to KHud moD diya karte hain haalat ka ruKH

hum nahin wo ki jo haalat pe ro dete hain

ye ada dekhi hai hum ne tere diwanon ki

jis pe hanste hain usi baat pe ro dete hain

aaKHiri bar koi hum se mila tha aa kar

yaad aati hai to us raat pe ro dete hain

kal jo ruKH pher liya karte the mujh se 'aKHtar'

aaj wo bhi mere haalat pe ro dete hain