gham-e-firaq ragon mein utar gaya hota

ġham-e-firāq ragoñ meñ utar gayā hotā

agar maiñ tujh se bichhaḌtā to mar gayā hotā

kabhī libās kī ḳhushbū kabhī zabān kā lams

maiñ jaane kitnī hadoñ se guzar gayā hotā

do āñkheñ kab se tirā intizār kartī haiñ

to mai-kade se kabhī apne ghar gayā hotā

husūl-e-ilm ne masrūf rakhā varna maiñ

kisī ko ishq meñ barbād kar gayā hotā

mujhe hai tum se mohabbat ye us ne bolā thā

vo kaash apne kahe se mukar gayā hotā

bichhaḌne vaalā faqat ek bose se 'hāshim'

mirī jabīn pe ehsān dhar gayā hotā

gham-e-firaq ragon mein utar gaya hota

agar main tujh se bichhaDta to mar gaya hota

kabhi libas ki KHushbu kabhi zaban ka lams

main jaane kitni hadon se guzar gaya hota

do aankhen kab se tera intizar karti hain

to mai-kade se kabhi apne ghar gaya hota

husul-e-ilm ne masruf rakha warna main

kisi ko ishq mein barbaad kar gaya hota

mujhe hai tum se mohabbat ye us ne bola tha

wo kash apne kahe se mukar gaya hota

bichhaDne wala faqat ek bose se 'hashim'

meri jabin pe ehsan dhar gaya hota