gham-e-hayat bhi aaghosh-e-husn-e-yar mein hai
ġham-e-hayāt bhī āġhosh-e-husn-e-yār meñ hai
ye vo ḳhizāñ hai jo Duubī huī bahār meñ hai
asar sharāb kā ahd-e-vafā-e-yār meñ hai
qadam qadam pe jo laġhzish sī e'tibār meñ hai
shaguftagī-e-dil-e-kārvāñ ko kyā samjhe
vo ik nigāh jo uljhī huī bahār meñ hai
shikast-e-hausla-e-zabt-e-ġham mujhe manzūr
chale bhī aao ki dil kab se intizār meñ hai
ye iztirāb kā aalam ye shauq-e-be-pāyāñ
'shakīl' aaj bilā-shuba kū-e-yār meñ hai
gham-e-hayat bhi aaghosh-e-husn-e-yar mein hai
ye wo KHizan hai jo Dubi hui bahaar mein hai
asar sharab ka ahd-e-wafa-e-yar mein hai
qadam qadam pe jo laghzish si e'tibar mein hai
shaguftagi-e-dil-e-karwan ko kya samjhe
wo ek nigah jo uljhi hui bahaar mein hai
shikast-e-hausla-e-zabt-e-gham mujhe manzur
chale bhi aao ki dil kab se intizar mein hai
ye iztirab ka aalam ye shauq-e-be-payan
'shakil' aaj bila-shuba ku-e-yar mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
