gham-e-hayat kahen dard-e-kaenat kahen

ġham-e-hayāt kaheñ dard-e-kā.enāt kaheñ

tumhāre naam se saare jahāñ kī baat kaheñ

baḌā ġhazab hai jo ham raat ko bhī raat kaheñ

uTho ki aaj to dār-o-rasan kī baat kaheñ

kisī ke da.avā-e-tamkīñ pe harf aatā hai

sañbhal ke aap zarā mere vāqi.āt kaheñ

udhar zabāñ hai ki betāb-e-guftugū hai bahut

idhar ye qaid nigāhoñ se dil kī baat kaheñ

kisī kī yaad kī ab dil bhī rahguzār nahīñ

bhare jahāñ meñ kise apnī kā.enāt kaheñ

tumhārī bazm meñ Dhalte rahe haiñ afsāne

ḳhatā muaaf agar ham bhī ek baat kaheñ

hamīñ se tark-e-mohabbat hamīñ se husn-e-sulūk

ham is maqām ko rasm-e-takallufāt kaheñ

kisī ke husn-e-taġhāful se ab to paidā hai

vo ek baat jise jān-e-iltifāt kaheñ

isī kā naam to ilhām-e-sher hai 'saifī'

ki apnī baat meñ saare jahāñ kī baat kaheñ

gham-e-hayat kahen dard-e-kaenat kahen

tumhaare nam se sare jahan ki baat kahen

baDa ghazab hai jo hum raat ko bhi raat kahen

uTho ki aaj to dar-o-rasan ki baat kahen

kisi ke dawa-e-tamkin pe harf aata hai

sanbhal ke aap zara mere waqiat kahen

udhar zaban hai ki betab-e-guftugu hai bahut

idhar ye qaid nigahon se dil ki baat kahen

kisi ki yaad ki ab dil bhi rahguzar nahin

bhare jahan mein kise apni kaenat kahen

tumhaari bazm mein Dhalte rahe hain afsane

KHata muaf agar hum bhi ek baat kahen

hamin se tark-e-mohabbat hamin se husn-e-suluk

hum is maqam ko rasm-e-takallufat kahen

kisi ke husn-e-taghaful se ab to paida hai

wo ek baat jise jaan-e-iltifat kahen

isi ka nam to ilham-e-sher hai 'saifi'

ki apni baat mein sare jahan ki baat kahen