gham-e-hayat ke pesh-o-aqab nahin paDhta

ġham-e-hayāt ke pesh-o-aqab nahīñ paḌhtā

ye daur vo hai jo sher-o-adab nahīñ paḌhtā

koī to baat hai rūdād-e-ḳhūn-e-nāhaq meñ

kahīñ kahīñ se vo paḌhtā hai sab nahīñ paḌhtā

kisī kā chehra-e-tābāñ ki māh-e-raḳhshandā

jo paḌhne vaalā hai qur.āñ vo kab nahīñ paḌhtā

vo kaun hai jo tujhe raat din nahīñ likhtā

vo kaun hai jo tujhe roz-o-shab nahīñ paḌhtā

vo ab to is qadar iz.hār-e-haq se Dartā hai

agar likhā ho kahīñ lab to lab nahīñ paḌhtā

na jaane in dinoñ kyā ho gayā hai saaqī ko

nigāh-e-rind meñ husn-e-talab nahīñ paḌhtā

usī kā rañg hai 'afsar' usī kī ḳhushbū hai

mirā kalām koī be-sabab nahīñ paḌhtā

gham-e-hayat ke pesh-o-aqab nahin paDhta

ye daur wo hai jo sher-o-adab nahin paDhta

koi to baat hai rudad-e-KHun-e-nahaq mein

kahin kahin se wo paDhta hai sab nahin paDhta

kisi ka chehra-e-taban ki mah-e-raKHshanda

jo paDhne wala hai quran wo kab nahin paDhta

wo kaun hai jo tujhe raat din nahin likhta

wo kaun hai jo tujhe roz-o-shab nahin paDhta

wo ab to is qadar izhaar-e-haq se Darta hai

agar likha ho kahin lab to lab nahin paDhta

na jaane in dinon kya ho gaya hai saqi ko

nigah-e-rind mein husn-e-talab nahin paDhta

usi ka rang hai 'afsar' usi ki KHushbu hai

mera kalam koi be-sabab nahin paDhta