gham-e-hayat lab-e-shoala-bar tak pahuncha

ġham-e-hayāt lab-e-sho.ala-bār tak pahuñchā

hamārā zehn had-e-e.atibār tak pahuñchā

fusūñ ye kis kī nazar kā bahār tak pahuñchā

sukūt-e-lāla-o-gul intishār tak pahuñchā

bhaTak rahā thā junūñ rahguzār hastī meñ

na jaane kab ye ḳham-e-zulf-e-yār tak pahuñchā

sab ahl-e-bazm mire husn-e-sher tak pahuñche

magar na koī dil-e-sogvār tak pahuñche

ye kis ne chheḌ diyā sāz-e-ārzū-e-visāl

ye aaj kaun is ujḌe dayār tak pahuñchā

gham-e-hayat lab-e-shoala-bar tak pahuncha

hamara zehn had-e-eatibar tak pahuncha

fusun ye kis ki nazar ka bahaar tak pahuncha

sukut-e-lala-o-gul intishaar tak pahuncha

bhaTak raha tha junun rahguzar hasti mein

na jaane kab ye KHam-e-zulf-e-yar tak pahuncha

sab ahl-e-bazm mere husn-e-sher tak pahunche

magar na koi dil-e-sogwar tak pahunche

ye kis ne chheD diya saz-e-arzu-e-visal

ye aaj kaun is ujDe dayar tak pahuncha