gham-e-hayat mein jaise bhi zindagi ki hai

ġham-e-hayāt meñ jaise bhī zindagī kī hai

tumhārī yaad to lekin kabhī kabhī kī hai

jo ġham milā thā to ye chāhā ġham-e-ziyād mile

siyāh shab meñ tamannā-e-raushnī kī hai

hayāt saath meñ laa.ī hai maut kā sāmāñ

kisī ne ham se bahut ḳhuub dil-lagī kī hai

ye ġham kī raat nahīñ jis kī intihā koī

tire baġhair basar kuchh ajiib sī kī hai

nigāh-e-yār kā is meñ koī qusūr nahīñ

ki ham ne dil kī ḳharābī to aap hī kī hai

gham-e-hayat mein jaise bhi zindagi ki hai

tumhaari yaad to lekin kabhi kabhi ki hai

jo gham mila tha to ye chaha gham-e-ziyaad mile

siyah shab mein tamanna-e-raushni ki hai

hayat sath mein lai hai maut ka saman

kisi ne hum se bahut KHub dil-lagi ki hai

ye gham ki raat nahin jis ki intiha koi

tere baghair basar kuchh ajib si ki hai

nigah-e-yar ka is mein koi qusur nahin

ki hum ne dil ki KHarabi to aap hi ki hai