gham hai kanTon ka na andesha bayabanon ka

ġham hai kāñToñ kā na andesha bayābānoñ kā

ishq hai rāh-numā aaj bhī dīvānoñ kā

ruuh tārīk nazar kor mohabbat se gurez

kyā farishtoñ meñ hai shohrā inheñ insānoñ kā

lafz jazbāt kī tasvīr nahīñ ban sakte

shukr kaise ho adā husn ke ehsānoñ kā

dil-e-barbād se karte haiñ jise ham ta.abīr

isī vīrāne meñ ik shahr thā armānoñ kā

tujh ko is daur meñ hai nūr-e-haqīqat kī talāsh

kaun samjhā.e ki ye daur hai afsānoñ kā

mujh ko pahlū meñ vo dil chāhiye jis meñ 'shā.ir'

raushnī sham.a kī ho soz ho parvānoñ kā

gham hai kanTon ka na andesha bayabanon ka

ishq hai rah-numa aaj bhi diwanon ka

ruh tarik nazar kor mohabbat se gurez

kya farishton mein hai shohra inhen insanon ka

lafz jazbaat ki taswir nahin ban sakte

shukr kaise ho ada husn ke ehsanon ka

dil-e-barbaad se karte hain jise hum tabir

isi virane mein ek shahr tha armanon ka

tujh ko is daur mein hai nur-e-haqiqat ki talash

kaun samjhae ki ye daur hai afsanon ka

mujh ko pahlu mein wo dil chahiye jis mein 'shair'

raushni shama ki ho soz ho parwanon ka