gham ho ki KHushi koi tamasha nahin karte

ġham ho ki ḳhushī koī tamāshā nahīñ karte

kuchh log kisī baat kā charchā nahīñ karte

be-vaj.h to hotī nahīñ āñgan kī ḳhamoshī

bachchoñ ko har ik baat pe Tokā nahīñ karte

insān kī fitrat kā ajab haal hai yaaro

kuchh peḌ ghane hote haiñ saaya nahīñ karte

ik umr gañvā.ī hai usī moḌ pe ham ne

pal bhar ko musāfir jahāñ Thahrā nahīñ karte

ham teġh-o-sipar chhīn liyā karte haiñ 'anjum'

zālim se kabhī zulm kā shikva nahīñ karte

gham ho ki KHushi koi tamasha nahin karte

kuchh log kisi baat ka charcha nahin karte

be-wajh to hoti nahin aangan ki KHamoshi

bachchon ko har ek baat pe Toka nahin karte

insan ki fitrat ka ajab haal hai yaro

kuchh peD ghane hote hain saya nahin karte

ek umr ganwai hai usi moD pe hum ne

pal bhar ko musafir jahan Thahra nahin karte

hum tegh-o-sipar chhin liya karte hain 'anjum'

zalim se kabhi zulm ka shikwa nahin karte