gham ka hamil na kuchh KHushi ka hai
ġham kā hāmil na kuchh ḳhushī kā hai
dil giraftār āshiqī kā hai
husn aur mā.il-e-karam tauba
ye muqaddar kisī kisī kā hai
koī luuTā gayā sar-e-manzil
tazkira har jagah usī kā hai
vo nazar bhar ke dekhtā hī nahīñ
aks dil meñ magar usī kā hai
maut se to mafar nahīñ hargiz
asl mātam to zindagī kā hai
niiñd āñkhoñ se shauq se jaa.e
rañj furqat meñ bekalī kā hai
vo 'nazar' ko bachā ke jaate haiñ
vāqi.a ye abhī abhī kā hai
gham ka hamil na kuchh KHushi ka hai
dil giraftar aashiqi ka hai
husn aur mail-e-karam tauba
ye muqaddar kisi kisi ka hai
koi luTa gaya sar-e-manzil
tazkira har jagah usi ka hai
wo nazar bhar ke dekhta hi nahin
aks dil mein magar usi ka hai
maut se to mafar nahin hargiz
asl matam to zindagi ka hai
nind aankhon se shauq se jae
ranj furqat mein bekali ka hai
wo 'nazar' ko bacha ke jate hain
waqia ye abhi abhi ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
