gham ki jo lazzaten hain unhen jawedan bana

ġham kī jo lazzateñ haiñ unheñ jāvedāñ banā

dard-e-nihāñ ko chāra-e-dard-e-nihāñ banā

ummīd-o-yās jis meñ na hoñ vo jahāñ banā

ya.anī na.ī zamīñ nayā āsmāñ banā

aur ārzū-e-sair-e-chaman ko bahār meñ

aur ai asīr-e-kunj-e-qafas āshiyāñ banā

mashq-e-vafā meñ kyā kahūñ ye ġham-nasīb dil

kin mushkiloñ se ḳhūgar-e-zabt-e-fuġhāñ banā

vahm-o-ḳhayāl par bhī tasallut hai barq kā

vahm-o-ḳhayāl meñ bhī na ab āshiyāñ banā

taḳhrīb hī meñ jalva-e-ta.amīr thā nihāñ

jis shāḳh par miTā thā vahīñ āshiyāñ banā

kah de zabān-e-hāl se rūdād-e-ġham 'shifā'

apnī ḳhamoshiyoñ hī ko apnī zabāñ banā

gham ki jo lazzaten hain unhen jawedan bana

dard-e-nihan ko chaara-e-dard-e-nihan bana

ummid-o-yas jis mein na hon wo jahan bana

yani nai zamin naya aasman bana

aur aarzu-e-sair-e-chaman ko bahaar mein

aur ai asir-e-kunj-e-qafas aashiyan bana

mashq-e-wafa mein kya kahun ye gham-nasib dil

kin mushkilon se KHugar-e-zabt-e-fughan bana

wahm-o-KHayal par bhi tasallut hai barq ka

wahm-o-KHayal mein bhi na ab aashiyan bana

taKHrib hi mein jalwa-e-tamir tha nihan

jis shaKH par miTa tha wahin aashiyan bana

kah de zaban-e-haal se rudad-e-gham 'shifa'

apni KHamoshiyon hi ko apni zaban bana