gham ko baham baham na kije

ġham ko bāham baham na kiije

gar ġham hai to ġham kā ġham na kiije

yak nīm-nigah hai so bhī kaarī

kuchh is meñ se to kam na kiije

go ham haiñ āshiq-e-vafādār

par itnā bhī sitam na kiije

be-fā.eda roiye kahāñ tak

ab jī meñ hai chashm nam na kiije

ġhairoñ ke paḌhāne ko merā vasf

is taur se ye karam na kiije

go teġh-e-asīl haiñ ye abrū

har dam itnā bhī ḳham na kiije

gar jām-e-mai 'asar' lage haath

phir ḳhvāhish-e-jām-e-jam na kiije

gham ko baham baham na kije

gar gham hai to gham ka gham na kije

yak nim-nigah hai so bhi kari

kuchh is mein se to kam na kije

go hum hain aashiq-e-wafadar

par itna bhi sitam na kije

be-faeda roiye kahan tak

ab ji mein hai chashm nam na kije

ghairon ke paDhane ko mera wasf

is taur se ye karam na kije

go tegh-e-asil hain ye abru

har dam itna bhi KHam na kije

gar jam-e-mai 'asar' lage hath

phir KHwahish-e-jam-e-jam na kije