gham ko sabaat hai na KHushi ko qarar hai

ġham ko sabāt hai na ḳhushī ko qarār hai

jo kal thā ḳhanda-rez vo aaj ashk-bār hai

kahtī hai os phuul se o be-ḳhud-e-nashāt

rū-e-ḳhizāñ bhī zer-e-hijāb-e-bahār hai

jab tak jalī jalā kī havā aa.ī bujh ga.ī

ye zindagī bhī sham-e-sar-e-rah-guzār hai

jis kā nafas kī āmad-o-shud par madār ho

aisī hayāt kā bhī koī e.atibār hai

ik maiñ hī bad-nasīb huuñ mahrūm-e-imbisāt

duniyā ke lab pe zikr bahāroñ kā rahe

apnī bahār vaqf-e-ḳhizāñ ho chukī to ho

har-sū jo shor-e-āmad-e-fasl-e-bahār hai

'āsī' tarab-kada thā kabhī ye dil-e-hazīñ

ai vaa.e aaj hasrat-o-ġham kā mazār hai

gham ko sabaat hai na KHushi ko qarar hai

jo kal tha KHanda-rez wo aaj ashk-bar hai

kahti hai os phul se o be-KHud-e-nashat

ru-e-KHizan bhi zer-e-hijab-e-bahaar hai

jab tak jali jala ki hawa aai bujh gai

ye zindagi bhi sham-e-sar-e-rah-guzar hai

jis ka nafas ki aamad-o-shud par madar ho

aisi hayat ka bhi koi eatibar hai

ek main hi bad-nasib hun mahrum-e-imbisat

duniya ke lab pe zikr bahaaron ka rahe

apni bahaar waqf-e-KHizan ho chuki to ho

har-su jo shor-e-amad-e-fasl-e-bahaar hai

'asi' tarab-kada tha kabhi ye dil-e-hazin

ai wae aaj hasrat-o-gham ka mazar hai