gham mein KHushi KHushi mein kabhi gham badal gae

ġham meñ ḳhushī ḳhushī meñ kabhī ġham badal ga.e

bāham ḳhavās-e-sho.ala-o-shabnam badal ga.e

ai umr-e-rā.egāñ na khilā ġhuncha-e-murād

palTī ka.ī ruteñ ka.ī mausam badal ga.e

derīna tab.a log haiñ ham to ravāyatan

badle bahut ziyāda agar kam badal ga.e

terī nigāh hī na mirī jaañ badal ga.ī

mahsūs ho rahā hai do-ālam badal ga.e

dushman the vaz.a-dār the vo mo'atabar rafīq

jo saath saath vaqt ke paiham badal ga.e

ik sāneha sahī ye diloñ kī latīf zid

kuchh dost ġhair ho ga.e kuchh ham badal ga.e

'shaukat' nahīñ paḌā koī nazm-e-chaman meñ farq

gulchīñ o bāġhbān to bāham badal ga.e

gham mein KHushi KHushi mein kabhi gham badal gae

baham KHawas-e-shoala-o-shabnam badal gae

ai umr-e-raegan na khila ghuncha-e-murad

palTi kai ruten kai mausam badal gae

derina taba log hain hum to rawayatan

badle bahut ziyaada agar kam badal gae

teri nigah hi na meri jaan badal gai

mahsus ho raha hai do-alam badal gae

dushman the waza-dar the wo mo'atabar rafiq

jo sath sath waqt ke paiham badal gae

ek saneha sahi ye dilon ki latif zid

kuchh dost ghair ho gae kuchh hum badal gae

'shaukat' nahin paDa koi nazm-e-chaman mein farq

gulchin o baghban to baham badal gae