gham ne ye saut ke meri haalat tabah ki

ġham ne ye saut ke mirī hālat tabāh kī

baiThī to dil ko thaam ke uTThī to aah kī

hat-chhaT ho tum agar to huuñ maiñ bhī zabāñ-darāz

phir kaun sī hai shakl batāo nibāh kī

darvāza is taraf ko kareñge zarūr vo

ye to batāo tum ne bhī kuchh is kī raah kī

jaatī thī haj ko raah meñ baddū jo aa paḌe

daulat samajh ke le ga.e gaThrī gunāh kī

yuuñ chāñd ḳhaañ paḌe rahe bīmār saal bhar

chhuTTī na lī miyāñ ne magar ek maah kī

aise sharāb-ḳhvār ḳhasam par ḳhudā kī maar

maike se maiñ jo laa.ī thī daulat tabāh kī

lailā akal-khurī ne na lī us kī kuchh ḳhabar

majnūñ ko aarzū hī rahī apne byaah kī

laḌkī kahīñ falak pe na juḌtī thī saanD ko

ab chañd-o-gīt gaa.e na laḌ ke biyāh kī

ye jaan kā azaab farishte gale paḌe

marne pe bhī na paa.ī buā jā panāh kī

aatī hai uThte baiThte 'shaidā' laboñ pe jaan

jā kar javānī khol ga.ī raah aah kī

gham ne ye saut ke meri haalat tabah ki

baiThi to dil ko tham ke uTThi to aah ki

hat-chhaT ho tum agar to hun main bhi zaban-daraaz

phir kaun si hai shakl batao nibah ki

darwaza is taraf ko karenge zarur wo

ye to batao tum ne bhi kuchh is ki rah ki

jati thi haj ko rah mein baddu jo aa paDe

daulat samajh ke le gae gaThri gunah ki

yun chand KHan paDe rahe bimar sal bhar

chhuTTi na li miyan ne magar ek mah ki

aise sharab-KHwar KHasam par KHuda ki mar

maike se main jo lai thi daulat tabah ki

laila akal-khuri ne na li us ki kuchh KHabar

majnun ko aarzu hi rahi apne byah ki

laDki kahin falak pe na juDti thi sanD ko

ab chand-o-git gae na laD ke biyah ki

ye jaan ka azab farishte gale paDe

marne pe bhi na pai bua ja panah ki

aati hai uThte baiThte 'shaida' labon pe jaan

ja kar jawani khol gai rah aah ki