gham-o-nishat ajab tha ki sab faza chup thi

ġham-o-nishāt ajab thā ki sab fazā chup thī

mohabbatoñ kā shajar ḳhushk thā sabā chup thī

azaab jhel rahā thā ka.ī balāoñ ke

laboñ pe maañ ke guzishta dinoñ duā chup thī

bujhā diyā thā charāġhoñ ko ghar ke būḌhoñ ne

ajiib shahr meñ vahshat thī har sadā chup thī

shikam kī aag ne jhulsā diyā thā jism-o-jamāl

har ek shaḳhs pe thī be-hisī anā chup thī

ka.ī charāġh ka.ī tāqchoñ meñ raushan the

kamāl ye thā vahāñ sar-phirī havā chup thī

'azīm' fikr thī maañ ko javān beTī kī

hue the haath to piile magar hinā chup thī

gham-o-nishat ajab tha ki sab faza chup thi

mohabbaton ka shajar KHushk tha saba chup thi

azab jhel raha tha kai balaon ke

labon pe man ke guzishta dinon dua chup thi

bujha diya tha charaghon ko ghar ke buDhon ne

ajib shahr mein wahshat thi har sada chup thi

shikam ki aag ne jhulsa diya tha jism-o-jamal

har ek shaKHs pe thi be-hisi ana chup thi

kai charagh kai taqchon mein raushan the

kamal ye tha wahan sar-phiri hawa chup thi

'azim' fikr thi man ko jawan beTi ki

hue the hath to pile magar hina chup thi