gham-o-surur zamane pe kargar kya hai
ġham-o-surūr zamāne pe kārgar kyā hai
bahut base bahut ujḌe magar asar kyā hai
maiñ chaltā jaatā huuñ tahlīl hotā jaatā huuñ
kaḌaktī dhuup meñ shabnam kā ye safar kyā hai
zamīn huuñ to ḳhazāne kahāñ ga.e mere
daraḳht huuñ to mirī shāḳh kā samar kyā hai
hazār ā.inoñ meñ jaise ik kiran mahbūs
nazar hī kyā hai mirī nuqta-e-nazar kyā hai
vo aag hai ki jo uḌtā hai jal ke girtā hai
fazā kā rog hai taqsīr-e-bāl-o-par kyā hai
gham-o-surur zamane pe kargar kya hai
bahut base bahut ujDe magar asar kya hai
main chalta jata hun tahlil hota jata hun
kaDakti dhup mein shabnam ka ye safar kya hai
zamin hun to KHazane kahan gae mere
daraKHt hun to meri shaKH ka samar kya hai
hazar aainon mein jaise ek kiran mahbus
nazar hi kya hai meri nuqta-e-nazar kya hai
wo aag hai ki jo uDta hai jal ke girta hai
faza ka rog hai taqsir-e-baal-o-par kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
