gham-qirtas pe apne karb ki baaten likhte rahna

ġham-qirtās pe apne karb kī bāteñ likhte rahnā

hijr-kitāb ko paḌhte rahnā sharheñ likhte rahnā

phir yuuñ hogā ik gum-gashta chehrā sāmne hogā

ḳhvāboñ kī dīvār banānā āñhkeñ likhte rahnā

itnā karnā apnī soch kī aan na bikne detā

din kī din hī aur rātoñ ko rāteñ likhte rahnā

aisā vaqt na aane denā sūkheñ soch-samundar

lahroñ se āvāz milānā maujeñ likhte rahnā

bāhar ke is shor meñ terī bāteñ dab jaa.eñ to

andar se jo aatī haiñ āvāzeñ likhte rahnā

'tāhir'! un be-bas lamhoñ kā ahd nibhānā hogā

us ne kahā thā ḳhat mat likhnā ġhazleñ likhte rahnā

gham-qirtas pe apne karb ki baaten likhte rahna

hijr-kitab ko paDhte rahna sharhen likhte rahna

phir yun hoga ek gum-gashta chehra samne hoga

KHwabon ki diwar banana aanhken likhte rahna

itna karna apni soch ki aan na bikne deta

din ki din hi aur raaton ko raaten likhte rahna

aisa waqt na aane dena sukhen soch-samundar

lahron se aawaz milana maujen likhte rahna

bahar ke is shor mein teri baaten dab jaen to

andar se jo aati hain aawazen likhte rahna

'tahir'! un be-bas lamhon ka ahd nibhana hoga

us ne kaha tha KHat mat likhna ghazlen likhte rahna