gham se jab bhi aashnai ho gai

ġham se jab bhī āshnā.ī ho ga.ī

ye jo duniyā thī parā.ī ho ga.ī

ab diloñ ke darmiyāñ dīvār hai

ye ḳhatā to mere bhaa.ī ho ga.ī

vaqt ke hākim kā TūTegā sitam

aaj mujh se lab-kushā.ī ho ga.ī

sun ke bhī vo sun na paayā mudda.ā

muft merī jag-hañsā.ī ho ga.ī

aañkh se pūchhā pata terā kabhī

dil kī jānib rahnumā.ī ho ga.ī

maiñ ḳhudā ke ghar meñ jā ke chhup gayā

maut kī phir bhī rasā.ī ho ga.ī

aa.ine ke sāmne aayā jo maiñ

har gunah kī rū-numā.ī ho ga.ī

maiñ hī bas tanhā khaḌā thā ik taraf

dūsrī jānib ḳhudā.ī ho ga.ī

gham se jab bhi aashnai ho gai

ye jo duniya thi parai ho gai

ab dilon ke darmiyan diwar hai

ye KHata to mere bhai ho gai

waqt ke hakim ka TuTega sitam

aaj mujh se lab-kushai ho gai

sun ke bhi wo sun na paya muddaa

muft meri jag-hansai ho gai

aankh se puchha pata tera kabhi

dil ki jaanib rahnumai ho gai

main KHuda ke ghar mein ja ke chhup gaya

maut ki phir bhi rasai ho gai

aaine ke samne aaya jo main

har gunah ki ru-numai ho gai

main hi bas tanha khaDa tha ek taraf

dusri jaanib KHudai ho gai