gham us par aashkar kiya humne kya kiya

ġham us par āshkār kiyā ham ne kyā kiyā

ġhāfil ko hoshyār kiyā ham ne kyā kiyā

haañ haañ taḌap-taḌap ke guzārī tumhīñ ne raat

tum ne hī intizār kiyā ham ne kyā kiyā

itrā rahā hai naqd-e-mohabbat pe dil bahut

achchhe ko māl-dār kiyā hamm ne kyā kiyā

kahte haiñ vo shikāyat-e-bedād-o-jaur par

tujh ko ḳhudā ne ḳhvār kiyā ham ne kyā kiyā

nāseh bhī hai raqīb ye mā'lūm hī na thā

kis ko salāhkār kiyā ham ne kyā kiyā

rusvā kiyā jo dil ne to ab kah rahe haiñ 'dāġh'

dushman ko rāzdār kiyā ham ne kyā kiyā

gham us par aashkar kiya hum ne kya kiya

ghafil ko hoshyar kiya hum ne kya kiya

han han taDap-taDap ke guzari tumhin ne raat

tum ne hi intizar kiya hum ne kya kiya

itra raha hai naqd-e-mohabbat pe dil bahut

achchhe ko mal-dar kiya hamm ne kya kiya

kahte hain wo shikayat-e-bedad-o-jaur par

tujh ko KHuda ne KHwar kiya hum ne kya kiya

naseh bhi hai raqib ye ma'lum hi na tha

kis ko salahkar kiya hum ne kya kiya

ruswa kiya jo dil ne to ab kah rahe hain 'dagh'

dushman ko raazdar kiya hum ne kya kiya