gham utara gaya sabhi ke liye

ġham utārā gayā sabhī ke liye

ashk utre haiñ aadmī ke liye

ik tajallī mujhe 'ināyat ho

merī āñkhoñ kī raushnī ke liye

jī ke lagtā nahīñ munāsib hai

zindagī lafz zindagī ke liye

baar hotā rahā kisī ke sipurd

shukr kartā rahā kisī ke liye

maiñ ne had-darja koshisheñ kar liiñ

dil banā hī nahīñ ḳhushī ke liye

kuchh darinde bhī jaane jaate haiñ

apnī insān-dostī ke liye

sab nahīñ jānte ye vo dar hai

yuuñ to darvāza hai sabhī ke liye

us ne bādal haTā liye 'āmir'

chand lamhoñ kī chāñdnī ke liye

gham utara gaya sabhi ke liye

ashk utre hain aadmi ke liye

ek tajalli mujhe 'inayat ho

meri aankhon ki raushni ke liye

ji ke lagta nahin munasib hai

zindagi lafz zindagi ke liye

bar hota raha kisi ke sipurd

shukr karta raha kisi ke liye

main ne had-darja koshishen kar lin

dil bana hi nahin KHushi ke liye

kuchh darinde bhi jaane jate hain

apni insan-dosti ke liye

sab nahin jaante ye wo dar hai

yun to darwaza hai sabhi ke liye

us ne baadal haTa liye 'amir'

chand lamhon ki chandni ke liye