غم اٹھانے کا حوصلہ بھی نہیں
غم اٹھانے کا حوصلہ بھی نہیں
اور اس کے بنا مزہ بھی نہیں
ساتھ تیرا عذاب ہے مجھ کو
چاہیے کوئی دوسرا بھی نہیں
تم بھلا کیوں اداس رہنے لگے
تم کو تو یار عشق تھا بھی نہیں
عشق کی راہ سے گزرنا پڑا
اور تھا کوئی راستہ بھی نہیں
ان کو دراصل دور جانا تھا
مسئلہ اتنا تھا بڑا بھی نہیں
خود سمجھ لو مرے لیے کیا تھے
آج سے تم کو بد دعا بھی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
