ghami KHushi banTi thi apne bistar se

ġhamī ḳhushī bāñTī thī apne bistar se

merī ham-safarī thī apne bistar se

chaar taraf resham thā us meñ ulajh ga.ī

mushkil se phir bachī thī apne bistar se

silvaT silvaT taare karte hue shumār

sehr-misāl utrī thī apne bistar se

nīndeñ palak meñ bhar kar ruī kī mānind

idhar udhar bhaTkī thī apne bistar se

jañgal kī jānib phir havā ne kuuch kiyā

kyā vo tañg paḌī thī apne bistar se

pañkhe par ābād gharauñdā chiḌiyā kā

ajab hī manzar-kashī thī apne bistar se

ghami KHushi banTi thi apne bistar se

meri ham-safari thi apne bistar se

chaar taraf resham tha us mein ulajh gai

mushkil se phir bachi thi apne bistar se

silwaT silwaT tare karte hue shumar

sehr-misal utri thi apne bistar se

ninden palak mein bhar kar rui ki manind

idhar udhar bhaTki thi apne bistar se

jangal ki jaanib phir hawa ne kuch kiya

kya wo tang paDi thi apne bistar se

pankhe par aabaad gharaunda chiDiya ka

ajab hi manzar-kashi thi apne bistar se