ghamon ke aaj baadal chha gae the

ġhamoñ ke aaj bādal chhā ga.e the

guloñ ke saath kāñTe aa ga.e the

hamārī zindagī kaise sañvartī

hameñ TuuTe sitāre bhā ga.e the

bahāreñ ab Darātī haiñ shajar ko

musāfir zulm itnā Dhā ga.e the

virāsat ko bachāne kī ḳhushī meñ

lahū piite rahe ġham khā ga.e the

ghamon ke aaj baadal chha gae the

gulon ke sath kanTe aa gae the

hamari zindagi kaise sanwarti

hamein TuTe sitare bha gae the

bahaaren ab Daraati hain shajar ko

musafir zulm itna Dha gae the

wirasat ko bachane ki KHushi mein

lahu pite rahe gham kha gae the