غموں کی اوڑھنی اوڑھے کھڑے ہیں زندگانی میں

غموں کی اوڑھنی اوڑھے کھڑے ہیں زندگانی میں

نکالے پیڑا کا گھونگھٹ سدا اپنی کہانی میں

سکوں کترا نہیں برسا سدا تڑپے سدا ترسے

اسی بد حال منظر نے لگا دی آگ پانی میں

مرے کندھے مرے یاروں مرے صدموں نے توڑے ہیں

اٹھائے پھر رہے تھے بوجھ غم کا شادمانی میں

مسافر ہر کوئی ہوتا ہے اس راہ محبت کا

کبھی ہم بھی تھے دیوانہ اسی دل کش روانی میں

نہیں شکوہ اندھیروں سے شکایت ہے اجالوں سے

سدا زخموں پہ چمکے ہیں بہت ہی بد گمانی میں

سنائے سارتھیؔ کیا داستاں اپنی اداسی کی

کہیں چھلکے نہ آنکھوں سے لہو قصہ بیانی میں