ghamon ki rah mein taskin ka maqam to hai

ġhamoñ kī raah meñ taskīn kā maqām to hai

nahīñ hai sub.h-e-banaras avadh kī shaam to hai

nahīñ hai gehūñ mayassar to jau ġhanīmat hai

nahīñ hai huur jo biivī siyāh-fām to hai

nikammā chor uchakkā sahī magar jānāñ

tumhāre dil meñ hamārā koī maqām to hai

mire mizāj kī rangīniyāñ na dekho tum

tumhāre haath meñ begam mirī lagām to hai

na jaane patlī galī se vo kab nikal legā

nahīñ hai T b yā b p magar zukām to hai

bas itnā soch ke ḳhush huuñ maiñ apnī hālat par

faqīr hī sahī par bādshāh naam to hai

bane na ham jo minister to ġham nahīñ 'vāhid'

hamāre saath meñ chamchoñ kā izhdihām to hai

ghamon ki rah mein taskin ka maqam to hai

nahin hai subh-e-banaras awadh ki sham to hai

nahin hai gehun mayassar to jau ghanimat hai

nahin hai hur jo biwi siyah-fam to hai

nikamma chor uchakka sahi magar jaanan

tumhaare dil mein hamara koi maqam to hai

mere mizaj ki ranginiyan na dekho tum

tumhaare hath mein begam meri lagam to hai

na jaane patli gali se wo kab nikal lega

nahin hai T b ya b p magar zukaam to hai

bas itna soch ke KHush hun main apni haalat par

faqir hi sahi par baadshah nam to hai

bane na hum jo minister to gham nahin 'wahid'

hamare sath mein chamchon ka izhdiham to hai