ghamon mein Dubi hui hai har ek KHushi meri

ġhamoñ meñ Duubī huī hai har ik ḳhushī merī

ajiib taur se guzrī hai zindagī merī

har ek lamha guzartā hai hādse kī tarah

bas ek dard-e-musalsal hai zindagī merī

ḳhayāl-o-fikr ne kyā kyā sanam tarāshe the

tamām umr parastish meñ kaT ga.ī merī

mirā safīna-e-hastī hai aur mauj-e-balā

tamāshā dekhtī rahtī hai bebasī merī

hujūm-e-dard meñ gum ho ga.ī mirī āvāz

zamāne vāloñ ne rūdād kab sunī merī

mirī hayāt adhūrī rahī tumhāre baġhair

batāo tum ne bhī mahsūs kī kamī merī

ġham-e-hayāt kī rūdād thī magar 'mumtāz'

samajh liyā use logoñ ne shā.irī merī

ghamon mein Dubi hui hai har ek KHushi meri

ajib taur se guzri hai zindagi meri

har ek lamha guzarta hai hadse ki tarah

bas ek dard-e-musalsal hai zindagi meri

KHayal-o-fikr ne kya kya sanam tarashe the

tamam umr parastish mein kaT gai meri

mera safina-e-hasti hai aur mauj-e-bala

tamasha dekhti rahti hai bebasi meri

hujum-e-dard mein gum ho gai meri aawaz

zamane walon ne rudad kab suni meri

meri hayat adhuri rahi tumhaare baghair

batao tum ne bhi mahsus ki kami meri

gham-e-hayat ki rudad thi magar 'mumtaz'

samajh liya use logon ne shairi meri