ghamon mein hans ke bitana hai kya kiya jae

ġhamoñ meñ hans ke bitānā hai kyā kiyā jaa.e

yahī to sab kā fasāna hai kyā kiyā jaa.e

uge haiñ jin kī hathelī meñ saikḌoñ kāñTe

unhīñ se haath milānā hai kyā kiyā jaa.e

vo jin kā naam bhī lene se hoñT jalte haiñ

unheñ adab se bulānā hai kyā kiyā jaa.e

hamārī pyaas ko kuchh buuñd aur samundar tak

sulagtī ret se jaanā hai kyā kiyā jaa.e

jahāñ havā ki mukammal ijāra-dārī hai

vahīñ charāġh jalānā hai kyā kiyā jaa.e

nahīñ kisī kā muḳhālif maiñ aaj bhī lekin

mire ḳhilāf zamāna hai kyā kiyā jaa.e

hazāroñ tanziya tīroñ kā āj-kal 'tashna'

hamārā dil hī nishāna hai kyā kiyā jaa.e

ghamon mein hans ke bitana hai kya kiya jae

yahi to sab ka fasana hai kya kiya jae

uge hain jin ki hatheli mein saikDon kanTe

unhin se hath milana hai kya kiya jae

wo jin ka nam bhi lene se honT jalte hain

unhen adab se bulana hai kya kiya jae

hamari pyas ko kuchh bund aur samundar tak

sulagti ret se jaana hai kya kiya jae

jahan hawa ki mukammal ijara-dari hai

wahin charagh jalana hai kya kiya jae

nahin kisi ka muKHalif main aaj bhi lekin

mere KHilaf zamana hai kya kiya jae

hazaron tanziya tiron ka aaj-kal 'tashna'

hamara dil hi nishana hai kya kiya jae